پنگلش

چین کے سرکاری پریس اور اشاعتی ادارے نے کہا ہے کہ غیر ملکی الفاظ کی ملاوٹ چینی زبان کے خالص پن کو آلودہ کرتی ہے۔ چینی ایک قدیم زبان ہے جس کی طویل اور بھر پور تاریخ ہے۔ چینی الفاظ کا استعمال ایک درست اور معیاری طریقہ ہے، پریس اور دوسرے اشاعتی اداروں کو غیر ملکی زبانوں کے مختصر الفاظ اور ’ چینگلش‘ سے پریز کرنا چاہیے۔ چینگلش انگریزی اور چینی زبان ملا کر بنائی گئی ہے۔ اس حکم کا اطلاق ریڈیو اور ٹیلی ویزن پر بھی ہوگا، جہاں انگریزی زبان کی بھر مار ہوتی ہے۔


پاکستان میں اگر میرے جیسا بندہ کسی ضروری کام سے کسی سرکاری ادارے میں چلا جائے۔اول تو کسی کاغذ شاغذ کو لکھنا پڑ جائے تو پنگا ہو جاتا ھے۔کہ اسے لکھیں کیسے ظاہر ھے انگریزی تو ہمیں آتی نہیں۔


 کسی صاحب سے کہیں کہ جناب ذرا سمجھا دیں۔اسے کیسے لکھوں ۔تو اگر وہ صاحب نہایت پڑھے لکھے ہیں تو ہمیں ان کی پنگلش سمجھ نہیں آئے گی۔


ہر طرح کے پاکستانی سرکاری یا حکومتی کاموں والے کاغذات تو انگلش میں ہوتے ہیں۔اور انہیں سمجھنا ہمیں ہوتا ھے۔لیکن سمجھیں کیسے کہ انگریزی جتنی پڑھی تھی اتنی میں تو یس نو ویری گڈ اور کوکا کولا مرنڈا ہی سمجھ آتی ھے۔


کئی حضرات کو دیکھا کہ وہ ہوائی جہاز میں بیٹھ کر جو پرچہ لکھنا ہوتا ھے۔ہوائی میزبان صاحبہ سے توبڑے اشٹائیل سے وصول کرتے ہیں جیسے ہی میزبان صاحبہ گذرتی ہیں۔ساتھ والے سے کہتے ہیں۔


پائی جی انوں ذرا لکھ دیو۔


جب میزبان صاحبہ کسی چیز کا پوچھتی ہیں تو یس نو ویری گڈ منہ ٹیڑا کر کے کہتے ہیں۔


عموماً ہمارے وزیر اعظم صاحب یا صدر صاحب عوامی خطاب کرتے ہیں۔


 تو ہمیں تو یس نو ویری گڈ آئی ایم ریڈی سٹڈی گو اینڈ شٹی باڈی ٹائیٹ کے علاوہ کچھ سمجھ ہی نہیں آتا۔


بہت کوشش کی لیکن اس کا ترجمعہ ابھی تک نہیں کرسکا۔ڈکشنری میں ہی نہیں ہوتی جی ان کی انگریجی۔


پاکستان جو ہمارا پیارا دیس ھے۔مجھے ابھی تک سمجھ نہیں آئی کہ پاکستانی لیڈر صاحبان اور سرکاری و حکومتی اہل کار یا نااہل کار پاکستانی عوام کیلئے ہیں یا۔۔۔امریکہ و برطانیہ کے حکمرانوں کیلئے؟


اور عوام ۔۔۔۔۔۔اگر عوام کو آپ نے مرعوب کرنا ھے تو پنگلش پھینک کر دیکھیں۔


 یس نو ویری گڈ آئی ایم ریڈی سٹڈی گو اینڈ شٹی باڈی ٹائیٹ۔

پنگلش پنگلش Reviewed by یاسر خوامخواہ جاپانی on 6:28 PM Rating: 5

27 تبصرے:

سعد کہا...

باڈی ٹائیٹ سے آپ کی کیا مراد ہے؟ وضاحت کریں :|

افتخار اجمل بھوپال کہا...

بہت زبر دست تحرير ہے مزا آ گيا ۔ اپنی سادگی جتاتے جتاتے بہت کچھ کہہ گئے ہيں ۔ اس تحرير کو سمجھ بھی ميرے جيسا دو جماعت پاس ہی سکتا ہے
اور ہاں جناب ۔ ايک لفظ آپ بھول گئے ۔ شَينٹی فليٹ

Tweets that mention پنگلش | عام بندے کا حال دل -- Topsy.com کہا...

[...] This post was mentioned on Twitter by UrduFeed. UrduFeed said: پنگلش http://nblo.gs/caxCb [...]

مکی کہا...

یہی کہتا تھا کل افسر ہمارا
یہ بے چارے پڑے ہیں کس گماں میں
نفاذ اردو زباں کا چاہتے ہیں
'' ابھی کچھ لوگ باقی ہیں جہاں میں ''

وقاراعظم کہا...

ہماری تو ہنسی چھوٹ رہی ہے جی آپ کے اشٹائل پہ، ویری گڈ. ویسے یہ شٹی باڈی ٹائیٹ کیا چیز ہے جی؟؟ :lol:

الف نظامی کہا...

پاکستانی ٹی وی اینکروں اور مہمانوں نے بھی اردو کا ستیا ناس کیا ہوا ہے .اللہ انہیں ہدایت دے.

حجاب کہا...

:) اشٹائل اچھا لگا ۔۔

عدنان مسعود کہا...

- آپ نے ایک اہم مسئلے کی جانب لطیف انداز میں توجہ دلائی ہے - بہت خوب

fikrepakistan کہا...

آنے والا وقت انگریزی زبان کا نہیں چینی زبان کا ہے جس بچے نے بیس سال بعد بڑا ھونا ھے بہتر ہے کہ اسے انگریزی کے بجائے چینی زبان سکھائی جائے۔

شعیب صفدر کہا...

ویری گڈ!! :)

منصور کہا...

چینی حکومت کا یہ فیصلہ زندہ قوموں کی نشانی ہے'
حالانہ جیسا کہ میں نے سنا ہے کہ چینی زبان شاید حرف تہجی کے بجاے تصویری اشکال پر مبنی ہے جو کہ خاصی مشکل ہے.
کہیں پڑھا ہے کہ ایک بار کوی چینی صدر کسی غیرملک کے دورے پر تھے' اپنے ہم منصب سے بذریعہ ترجمان بات کر رہے تھے کہ ترجمان نے کسی لفظ کے ترجمے یا مفہوم میں غلطی کی تو چینی صدر نے اس کی تصیح کی اور اس بات پر اپنے ہم منصب کی حیرانی کے جواب میں انہوں نے کہا کہ "چین گونگا نہیں ہے".

مزید یہ کہ چین سے بہت پہلے سنگاپور کی حکومت اپنے باشندوں پر "سنگلش" بولنے پر پابندی لگا چکی ہے.

لیکن مسلہ صرف میڈیا یا حکومتی توجہ کا نہیں ہے'عموما' بچے انگریزی مدرسوں میں زیر تعلیم ہیں .' گھر میں بولی جانے والی اردو کا معیار بہت مناسب نہیں ہے' اور باقی کسر ہندوستانی چینلز نے پوری کر دی' بچے نہ صرف اپنے روزمرہ کی بول چال میں بلکہ مضامین میں بھی سنسکرت کے الفاظ استعمال کر رہے ہیں
لہذا میرا خیال ہے کہ کم از کم ہم جہاں تک اپنی زمہ داری ادا کر سکتے ہیں وہ ادا کرنا شروع کردیں تب بھی کچھ بہتری آجاے گی

(ہیڈ آف اردوڈیپارٹمنٹ)

یاسر خوامخواہ جاپانی کہا...

سعد مجھے ڈکشنری میں اس کا مبطل نہیں ملا۔
ا س لئے میری مرادابھی بھر نہیں آئی۔ :lol: :lol:

یاسر خوامخواہ جاپانی کہا...

اجمل صاحب۔شکریہ
کچھ شینٹی فلیٹ بھی صدر خطاب میں فرما ہی رہے تھے۔ :lol:

یاسر خوامخواہ جاپانی کہا...

مکی صاحب
ہم سڑیل دوسروں کو عزت سے سینہ تان کے جیتا دیکھ کر جل جاتے ہیں۔ :oops:

یاسر خوامخواہ جاپانی کہا...

او پائی وقار
شٹی باڈی کا پتہ ہوتا تو پاکستان کا وزیر اعظم نہ ہوتا۔

یاسر خوامخواہ جاپانی کہا...

نظامی صاحب
عوام بھی کچھ ایسی ہی ھے۔

یاسر خوامخواہ جاپانی کہا...

حجاب جی
بس جی اشٹائیل کچھ ایسا ہی ہوتا ھے :D

یاسر خوامخواہ جاپانی کہا...

عدنان جی ۔شکریہ

یاسر خوامخواہ جاپانی کہا...

فکر پاکستان جی۔
پرانے آقا کے بعد نئے آقا تو چاھئے ہیں نا جی۔

یاسر خوامخواہ جاپانی کہا...

وکیل صاحب
ویری مچ جی شکریہ ویری مچ

یاسر خوامخواہ جاپانی کہا...

منصور صاحب بلاگ پر خوش آمدید
بالکل محترم بجا فرمایا۔
یہاں جاپان کے وزیرصاحب بھی اور شہنشاہ صاحب بھی انگلش جانتے ہیں ،لیکن کبھی بھی دوسرے ممالک کے سربراہوں سے عوامی جگہ پر انگلش میں بات نہیں کرتے۔

جاوید گوندل ۔ بآرسیلونا ، اسپین کہا...

ہم کہ ٹہرے غلام ابن غلام۔ اتنی قومی غداریوں کے بعد
آپ غیرت کا تقاضا کرے ہو برطانیہ سے یاریوں کے بعد

امن ایمان کہا...

یاسر آپ کے بلاگ پر پہلی مرتبہ آئی ہوں....پوسٹ تو یقننا بہت اچھی ہے کہ اتنے سارے لوگوں نے میری بات کی تصدیق کی ہے : ) لیکن ابھی میں کچھ الجھن میں ہوں کہ میں بہت اچھی ہوں..درمیانی قسم کی اچھی ہوں :)

یاسر خوامخواہ جاپانی کہا...

جاوید صاحب
زبردست!

یاسر خوامخواہ جاپانی کہا...

خوش آمدید امن ایمان جی
یہ سب حضرات میرا دل رکھنے کیلئے تعریف کردیتے ہیں۔جن کا مشکور ہوں۔
کوئی الجھن والی بات نہیں جی۔
مجھے خود بھی ابھی تک سمجھ نہیں آئی میں اچھا ہوں یا درمیانہ قسم کا اچھا ہوں

ڈاکٹر جواد احمد خان کہا...

اس میں بھی تسکین کا ایک پہلو ہے...آپ جی بھر کی انگلش کی ٹانگ توڑیں آخر یہ انگریزوں کی زبان ہے اور ہمارا فرض بنتا ہے کے اس کے ساتھ وہی سلوک کیا جائے جیسا کہ ہٹلر نے یورپ کے ساتھ کیا تھا.بقول شاعر:
انگریزی کی اہمیت سے انکار نہیں
فیل ہونے کو بھی ایک مضمون چاہیے
مجھ سے جب کوئی انگریزی زبان سے میرے انتقامی طرز عمل کے بارے میں احتجاج کرتا ہے تو میں منہ پکّا کر کے کہ دیتا ہوں کہ جناب انگریزی میری مادری زبان نہیں ہے( حالانکہ مادری زبان کے معاملے میں بھی میرا طرز عمل کچھ مختلف نہیں)
تو جناب خوش رہیے کیوں کے آپ کسی صورت میں خسارے میں نہیں.

عمار ابنِ ضیا کہا...

تحریر خوب اور پھر مکی بھائی، آپ کا پیش کردہ قطعہ بھی خوب۔۔۔ واہ!

تقویت یافتہ بذریعہ Blogger.